വിഭാഗങ്ങള് (ആവശ്യമുള്ളതെടുത്താ മതി കെട്ടോ)
05 November 2011
പ്രവാസന്
അങ്ങനെ ഇയുള്ളവനും ഒരു പ്രവാസനായി ...
വല്യ കുഴപ്പമില്ലാതെ സുഖിച്ച് ജീവിച്ചതാരുന്നു നാട്ടില്...
എന്നാലും വല്ലാത്ത ഒരു ഇതായിരുന്നു .....
ഹോ ....
"ഓണ്സൈറ്റ് ഒക്കെ വെറുതെ ഒന്ന് പോയില്ലെലെങ്ങിനാ ......."
"നാട്ടുകാരൊക്കെ എന്തോരം കാശ് ഉണ്ടാക്കുന്നു."
അങ്ങ്നെ .....അങ്ങ്നെ.....
എല്ലാം തീര്ന്നു കിട്ടി കുട്ടിമാമന്ന്!!!!!!!......
ഇമിഗ്രേഷനില് ബ്ലഡി ഇന്ത്യാപാക്ക്ബംഗ്ലാ സഹോദരങ്ങള് ക്യൂ നിക്കണ കണ്ടാല് പെറ്റതള്ള സഹിക്കില്ല...
വേഗം കൊറച്ച് കായി ഉണ്ടാക്കി നമ്മടെ നാട്ടിലേക്ക് തന്നെ തിരിക്കണം... നമുക്ക് നമ്മുടെ നാടന്നെ ദേവലോകം
പഷെങ്കി തുടക്കത്തില് ഇമ്മാതിരി പറഞ്ഞവന്മാര് കമ്പ്ലീറ്റ് കുറഞ്ഞതൊരു പത്തോ ഇരുപതോ കൊല്ലം നിന്നിട്ടാണ് പോയതെന്ന് കേട്ട്നിന്ന പ്രവാസിദോസ്ത് വക അരുളപ്പാടുണ്ടായി...
മഹത്തായ രണ്ടാം മാസത്തില് സംഗതി ശരി ആണെന്ന് എനിക്കും അങ്ങ് തോന്നാതില്ല ... ഇപ്പൊ കാര്യങ്ങ്ങ്ങള് ഒക്കെ അഡ്ജസ്റ്റ് ആയി...
രാവിലെ പത്ത് മണിക്ക് ആരേലും വിളിച്ചെണീപ്പിച്ചാല് മാത്രം അവിടെ ഓഫീസില് പൊയ്ക്കൊണ്ടിരുന്ന ഞാന് ഇപ്പൊ കൃത്യം 5 മണിക്ക് ചാടിഎണീക്കും.... കസ്റ്റമറുടെ ഓഫീസിലേക്ക് കുറച്ച് ദൂരം ഉണ്ട്...
വീടിനെടുത്ത ലോണ് പെട്ടന്നു ഒന്നു ക്ലോസ്സ് ചെയ്യണം എന്ന ആഗ്രഹത്തിലാണു ഓണ്സൈറ്റു ചോദിച്ചതു....
മിഡില്ഈസ്റ്റ് ആണേല് നന്ന് ടാക്സ് വേണ്ടല്ലോ.
റീയാദില് ഒരു ഓപ്പണിങ്ങ് ഉണ്ടെന്നു കൊച്ചുമുതലാളി പറഞ്ഞതും, ബഷീര്ക്ക മീന് വിക്കാന് വരണ കണ്ടാല് ഫുള്ളിചാര്ജ്ഡ് ആയി ചാടി എണീറ്റ് പാഞ്ഞ്ചെല്ലുന്ന ഞങ്ങടെ കണ്ടന്പ്പൂച്ചയെപ്പോലെ "ശരി സര്!!!" എന്നും പറഞ്ഞ് ചാടി വീഴുകയാരുന്നു..
പക്ഷേങ്കീ, ഈ റിയാദ് റിയാദ് എന്ന് പറയണ പുണ്യസ്ഥലം സൗദി അറേബ്യയിലാണെന്ന് ഒരുനിമിഷം എനിക്കറ്യമ്പാടില്ലാണ്ടായ്പ്പോയ്....."സൗദിയാണു രാജ്യം..... ശരിയത്താണു നിയമം ... പടച്ചോനേ...... ഓനെ കാക്കണേ...." ( കട്: സലിം കുമാര് ) ഇതിനാണു ഭൂമിശാസ്ത്രവും ചരിത്രവും ഒക്കെ പഠിപ്പിക്കുമ്പോള് ക്ലാസ്സില് ശ്രദ്ദിക്കണം എന്ന് പറേണതു....
വെല്, പക്ഷേങ്കീ മാസാവസാനം റിയാല്സ് കയ്യിലെത്തുമ്പോ ഐ ഹാവ് നോ പ്റോബ്ലംസേ..... സമത്വസുന്ദരമരുഭൂമീ.....ഓഓ.... (2)
ബിഹേവിയറിലും ഡ്രസ്സിങ്ങിലും ഒക്കെ നമ്മള് ശ്രദ്ദിച്ചാല് അറബികളെ ഇമ്പ്രസ്സ് ചെയ്യാമെന്ന് ഒരു മച്ചാന് ഉപ്ദേശിച്ചു....
പിന്നേ..... മലയാളിയായ എന്നെയാണു അവന് പഠിപ്പിക്കുന്നതു!!!!!... അറബികളെ ഇമ്പ്രസ്സ് ചെയ്യാന്.... ഫൂ......
എന്നാല് ഇച്ചിരി അറബികൂടെ പഠിച്ച് അറബി ഭാഷയ്ക്ക് എന്റ്റേതായ സംഭാവനകള് നല്കണമെന്ന് തീരുമാനിച്ച് യൂടൂബില് പരതി....
അസ്സ്ലാമു അലൈക്കും ചെറുപ്പത്തിലേ മാമുക്കോയ പഠിപ്പിച്ചിട്ടുണ്ട്..... അതുമതി.. എന്നാലും ഞാന് കുറച്ച് പുതിയ വാക്കുകള് പഠിച്ചു... ഉദാഹരണത്തിനു
"കൈഫ് ഹാലുക്ക്" എന്ന്വച്ചാ "സുഖാണോ അളിയാ"ന്ന്...... അപ്പോ നുമ്മ കുവായിസ് ( ????? ) എന്നോ " അല്ഹംദുല്ലില്ല" എന്നോ തിരിച്ച് പറേണം.....
പിന്നെ അക്കങ്ങളും ( ഇമ്പോര്ട്ടന്റ്..... കാശ് എണ്ണാനുള്ളതാണേയ്... ) പേരു ചോദിക്കാനും പറയാനും അങ്ങനെയൊക്കെ പഠിച്ചു.... കുറച്ചൊക്കെ നോട്ട്പാഡില് എഴുതി വച്ചു...
പക്ഷേങ്കീ, ആവശ്യമുള്ളപ്പോ മഴ പെയ്യൂല്ല അല്ലേ പെരുമഴാന്ന് പറഞ്ഞ പോലെ അറബീനെ കാണുമ്പോ ഞാന് അറബി മറക്കും....
അന്ന്, സംഗം റെസ്റ്റോറന്റില് പോയി പതിവ്പോലെ നല്ലതട്ട് തട്ടീട്ട് ( സോറി.... നോ കോമ്പ്രമൈസ്...) ഹോട്ടലില് ഫോര്ത്ത്ഫ്ലോറിലെ എന്റ്റെ റൂമിലേക്ക് ലിഫ്റ്റില് പ്രയാണിക്കുമ്പോള് .... പലപ്പോഴും കാണാറുള്ള അറബി മച്ചമ്പി കുശലമന്വോഷിച്ചു... " കൈഫ് ഹാലൂക്ക്".... തള്ളേ..... പാമ്പുകടിക്കാനായിട്ട് എന്റ്റെ മലയാളം ടു അറബി കണ്വേര്ട്ടര് പിന്നേം പണിമുടക്കി.... മറന്നു....
എന്തായാലും ഒരു ഇളിച്ച ചിരി ചിരിച്ച് ഇറങ്ങി....... പുല്ല്!!! ഇന്നതു ബൈഹാര്ട്ട് ആക്കീട്ടേ കാര്യമുള്ളൂന്നുറപ്പിച്ച് റൂമിലേക്ക് പാഞ്ഞു...
താക്കോലിട്ട് തിരിച്ചിട്ടും വാതില് എന്തോ തുറക്കണില്ല.... ചിലപ്പഴങ്ങിനെയാണു.... പുഷും പുള്ളും പോലെ പണ്ടേ ചിലതു എനിക്ക് കണ്ഫ്യൂഷന്സ് ആണു... ഇടത്തോട്ടും വലത്തോട്ടും തിരിച്ചു...... സ്റ്റക്ക് ആയോ .... നോബ് തിരിച്ച് നാലിടി...... ടപ്പ് ടപ്പ്....
അകത്തെന്തോ ഒരു പെണ്ശബ്ദം... ആഹാ..... എന്റ്റെ ഫ്ലാറ്റില് ഞാനറിയാതെ ഒരു സ്ത്രീയോ!!!.....
ഒരു നിമിഷം ഡോറിലേക്ക് കണ്ണുപായിച്ചു.... അമ്മച്ചീ!!!!! മാറി....... ഇതു 303....വെറും ഒരക്കം മാറി..... എന്റ്റെതു 403....
സ്റ്റെയര്കേസ് ലക്ഷ്യമാക്കി ഒരു കുതിപ്പായിരുന്നു.... പടച്ചോനേ..... സൗദിയാണു നാടു.......
താഴെ ഡോര് തുറന്ന് ഒരു വെള്ളഉടുപ്പിട്ട ആജാനബാഹു അറബിവേഷത്തില് വികാരപുളകിതനായി നില്ക്കുന്നതു മിന്നായം പോലെ ദര്ശിച്ചു......
വേണെങ്കില് ഇന്ത്യക്ക് ഒളിമ്പിക്സ് 100 മീറ്ററില് ഒരു ഗോള്ഡ് മെഡല് നേടാന് എനിക്കും പറ്റും.....
റൂമിലെത്തി ആജാനബാഹു പറഞ്ഞ ഒരറബ്ബിവാക്ക് ഓര്ത്തുവച്ചതു ഞാന് സെര്ച്ച് ചെയ്തു നോക്കി..........
പറയില്ല ഞാന്!!!!!!!..................... അതിന്റ്റെ മീനിംങ്ങ്....
02 March 2011
സമയമുണ്ടെങ്കില്
ഞാനിതിവിടെ നിര്ത്തുകയാണു....ഇനിയിവിടേക്കില്ല.......
എനിക്കൊരു പുതിയ ആളാവണം..........വികാരങ്ങളെ മരവിപ്പിച്ച്....
എം മുകുന്ദനെയും,മലയാറ്റൂരിനെയും, എംടിയെയും,രാധാക്യഷ്ണനയും, മാധവിക്കുട്ടിയേയും മറക്കണം......
ഷിവ്ഖേരയുടെയും, ജേംസ് റെഡ്ഫീല്ഡിന്റെയുംനോര്മാന് വിന്സെന്റ്റിന്റെയും,ദാവീഡ് ഷ്വാര്ട്സിന്റ്റെയും ഒക്കെ പോസറ്റീവ് തിങ്കിങ്ങ് വളര്ത്തുന്ന ബുക്ക്സുകള് വായിക്കണം ഇനി...
ഡാനിയും,സമാന്തരങ്ങളും,പധേര്പഞ്ചാലിയും,ബട്ടര്ഫ്ലൈ ഇഫക്റ്റും പോലുള്ള ചിത്രങ്ങള് മറക്കണം ഇനി...
പകരം ഹോളിവുഡ് ആക്ഷന് ചിത്രങ്ങളും, എംടിവിയും കാണണം..
ഫോര്മുലവണ് മല്സ്സരങ്ങളും, റസ്ലിങ്ങും കണ്ടിരിക്കുന്നതാവണം ഹോബീസ്...
മാനേജ്മെന്റ്റ് വിദ്യകളും, ടെക്നോളജിയും അരച്ചുകലക്കി കുടിക്കണം..
പ്രസ്റ്റേഷന് സ്കില്സും,വൊക്കാബുലറിയും കൂട്ടണം...
ബോസ്സിന്റെ പ്രിയപ്പെട്ട എമ്പ്ലോയിയാവണം....
ചെലവുകളേക്കുറിച്ച് കണക്കുകൂട്ടി ബഡ്ജറ്റ് തയ്യറാക്കണം
ഷെയര്മാര്ക്കറ്റിലെ കരടികാളകളെ ശ്രദ്ദയോടെ വീക്ഷിക്കണം,
ഞാനില്ലാതായാല് വീട്ടുകാര്ക്കു പണം ലഭിക്കുന്ന പോളിസികളുടെ ഫീച്ചറുകളെ അനലൈസ് ചെയണം....
ഞാനില്ലാതായാല് വീട്ടുകാര്ക്കു പണം ലഭിക്കുന്ന പോളിസികളുടെ ഫീച്ചറുകളെ അനലൈസ് ചെയണം....
ലോണിന്റ്റെ ഇന്റ്റ്റസ്റ്റ് റേറ്റിനേക്കുറിച്ചും ഐടി ടാക്സിനേയുംകുറിച്ചോര്ത്ത് ആധി കൊള്ളണം..
മൊബൈല് ഫോണ് ബില്ലിനെ പോസ്റ്റ്മാര്ട്ടം ചെയ്യണം...
മ്യൂച്ചല്ഫണ്ടിനെക്കുറിച്ചും, ഇന്വസ്റ്റ്മെന്റ്റുകളേക്കുറിച്ചും ചിന്തിക്കണം...
.
.
.
.
അങ്ങിനെ അങ്ങിനെ അങ്ങിനെ.......
മറ്റൊരാളേക്കുറിച്ചും ഓര്ക്കാന് നില്ക്കാതെ എനിക്ക് എന്നിലേക്ക് ചുരുങ്ങണം
പാസ്റ്റ് ഈസ് പാസ്റ്റ്....
ഇതിനൊക്കെ.....ഞാന് ഞാനല്ലാതാവണം...
തോല്ക്കാന് വയ്യ.... ലോകം ബൗണ്ടറിലൈനിലേക്ക് പായുന്ന ക്രിക്കറ്റ് പന്തിനേക്കാള് ഫാസ്റ്റാണു....
മൈല്സ് ടു ഗോ ബിഫോര് ഐ സ്ലീപ്പ്......
ഉറങ്ങുന്നതിനു ഇനിയും സമയമുണ്ടെങ്കില്........ഈ ലോകത്തിന്റ്റെ കൂടെയെത്താന് ഒന്ന് ശ്രമിച്ച് നോക്കണം.....
13 February 2011
അനിയത്തി
അന്ന്...
ഉള്ളിലെക്കനവുകളെ താലോലിച്ച്...
നല്ലൊരു നാളിനെ സ്വപ്നം കണ്ട്......
ദുരിതങ്ങളുടെ കനലിനെ തണുപ്പിച്ച്....
വരികയായിരുന്നു ഒരു പെണ്കുട്ടി...
കാലം പഠിപ്പിച്ച ചിരിമാഞ്ഞ്....
ഒരു ദു:സ്വപ്നത്തിലെ പോല് വിറങ്ങലിച്ച്..
ചെറുത്തു നില്പ്പില് വലിച്ചെറിയപ്പെട്ട്...
മനസ്സും ശരീരവും വ്രണിതമായവളറിഞ്ഞിരിക്കും..
ജീവിതമകന്നു പോയ ട്രയിന് പോലെയായത്...
ദിവസങ്ങള്ക്കിപ്പുറമിന്ന്
പത്രങ്ങള്ക്കാമുഖമോര്മ്മയായപ്പോള്
പേപ്പട്ടിപോലലറുന്ന ഗോവിന്ദച്ചാമികളെ കണ്ട്..
ഞെട്ടിയുണരുമ്പോളറിയുന്നു...എന്റെ
കുഞ്ഞനിയത്തിയുടെയതേ മുഖച്ചായയവള്ക്കെന്ന്..
--------------------------------------------------------------------------
കണ്ണുകാണാത്ത ക്രൂരതയ്ക്ക് മുന്പിന് എരിഞ്ഞടങ്ങിയ സൗമ്യ എന്ന പെണ്കുട്ടിയുടെ ഓര്മ്മയില്
Subscribe to:
Posts (Atom)